Eldri flokkun vistgerða

Við flokkun sniða í vistgerðir á landinu öllu sem greint er frá í Fjölriti Náttúrufræðistofnunar nr. 54, Vistgerðir á Íslandi, frá 2016 urðu nokkrar breytingar á fyrri flokkun á miðhálendinu sem birt var í skýrslu Náttúrufræðistofnunar NÍ-09008, Vistgerðir á miðhálendi Íslands: flokkun, lýsing og verndargildi, frá 2009. Í sumum tilvikum var einungis um nafnbreytingu að ræða en í öðrum fluttust nokkur snið á milli vistgerða.