Vistgerðir

Náttúrufræðistofnun skilgreinir og flokkar íslenskar vistgerðir samkvæmt alþjóðlegum aðferðum. Slík flokkun leggur grunn að skynsamlegri landnotkun, vernd náttúrunnar og sjálfbærri nýtingu náttúruauðlinda. 

Vistgerðakort sýnir útbreiðslu 105 vistgerða á landi, í ferskvatni og fjöru. Kortlagningin byggir að mestu á fjarkönnun (fyrirvari) með gervitunglamyndum frá RapidEye, SPOT og LANDSAT, ásamt loftmyndum. Vettvangsvinna var einnig yfirgripsmikill þáttur í kortlagningunni og fór fram á árunum 1999–2016, skipulögð og unnin af starfsfólki Náttúrufræðistofnunar og samstarfsaðilum. Að auki voru notuð tiltæk landupplýsingagögn, svo sem gróðurkort, hæðarlíkön, vatnafar, úrkoma og útbreiðsla hrauna, skóga og ræktaðs lands. Nákvæmni kortsins miðast við mælikvarða 1:25.000.

Ítarlega umfjöllun um skilgreiningu og flokkun vistgerða er að finna í Fjölriti Náttúrufræðistofnunar nr. 54, Vistgerðir á Íslandi og á vistgerðasíðum á vef stofnunarinnar.

Náttúrufræðistofnun tekur gjarnan á móti athugasemdum við vistgerðakortin og má senda þær á netfangið natt@natt.is.

Vistgerðir eru birtar í sameiginlegri kortasjá með mikilvægum fuglasvæðum og er jafnframt hægt að skoða þær í Kortaglugga með fleiri gögnum. 

Í lýsigagnagátt má nálgast gögnin og skoða upplýsingar um þau: