Fornar strandlínur á Íslandi

Tímamörk

Hófst árið 2024.

Samstarfsaðilar

Jarðvísindastofnun Háskóla Íslands.

Styrkir

Rannsóknarsjóður Vegagerðarinnar.

Um verkefnið – Markmið og verkþættir

Fornar strandlínur veita mikilvægar upplýsingar um hörfun jökla í lok síðasta jökulskeiðs og við upphaf nútíma, ásamt breytingum á sjávarstöðu í kjölfarið. Tilgangur verkefnisins er að kortleggja fornar strandlínur á Íslandi, meta ástand þeirra og verndargildi í samræmi við viðmið laga um náttúruvernd. Með því verður til heildstætt yfirlit um útbreiðslu þessara jarðmyndana og hvaða svæði eru sérstaklega mikilvæg til verndar fyrir jarðvísindi.

Nánari upplýsingar

Áætlað er að kortlagningu fornra strandlína ljúki árið 2026 og verður hún birt í kortasjá Náttúrufræðistofnunar. Landupplýsingagögn verða gerð aðgengileg.  
Gert er ráð fyrir að niðurstöður verkefnisins munu gagnast breiðum hópi sérfræðinga úr ýmsum fræðagreinum, styðja við stjórnsýslu varðandi vernd og nýtingu náttúruauðlinda, nýtast við skipulagsmál sveitarfélaga og veita framkvæmdaraðilum  upplýsingar um efnistökusvæði við gerð matsáætlana. Jafnframt mun kortlagningin hafa mikið fræðslugildi fyrir almenning og menntakerfið og styrkja umræðu um áhrif loftslagsbreytinga á strandsvæði. 

Niðurstöður

Tengiliður

Skafti Brynjólfsson jarðfræðingur og Lovísa Ásbjörnsdóttir jarðfræðingur.