Víkurdalur

Kortasjá

Víkurdalur í kortasjá

Stærð: 1,5 km²
Flokkun:Landmótun ísaldarjökla - Setmyndanir
Jarðsaga: Síðjökultími
Aldur: Óþekktur
 

Mörk

Mörkin eru sett utan um vel varðveitt og greinileg fjörumörk bæði vestan og austan megin í Víkurdal. Mörkin ná einnig yfir Urriðavatn við forna fjörukamba.

Lýsing

Víkurdalur liggur við vestanverðan Hrútafjörð, upp af bæjunum Guðlaugsvík og Skálholtsvík. Jarðgrunnur svæðisins er að mestu ókannaður en fjörumörk eru sýnd í dalnum á jarðfræðikorti Guðmundar Kjartanssonar, blað 2, frá 1968. Efstu fjörumörk í Víkurdal eru í um 50 m h.y.s. og eru vel greinileg bæði vestan og austan megin í dalnum. Þau er óröskuð og mynda samfellda heild landforma. Urriðavatn er við efstu fjörumörkin austan megin í dalnum og hefur að öllum líkindum myndast þegar efstu fjörukambarnir hlóðust upp. 

Þörf er á frekari rannsóknum í Víkurdal.

Forsenda fyrir verndun

Í Víkurdal er samfelld myndun landforma sem sýna hæstu fjörumörk við vestanverðan Hrútafjörð. Fjörumörkin eru beggja vegna í dalnum og eru þau vel greinileg. Urriðavatn við fjörumörkin gefur möguleika á frekari rannsóknum um umhverfisaðstæður í lok síðasta jölulskeiðs og tækifæri til aldursákvarðana. Talið er að svæðið hafi mikið vísindalegt gildi.

Ógnir

Skógrækt og efnistaka.

Núverandi vernd

Mat á verndargildi

Síðast uppfært

Gefið út 30.10.2026