Fréttir

Ný vísindagrein í tímaritinu „Journal of Avian Biology“ varpar ljósi á áhrif vega með litla umferð á útbreiðslu og fjölda varpfugla á láglendi Íslands. Niðurstöðurnar sýna að jafnvel vegir þar sem umferð er talin lítil tengjast því að færri fuglar verpa í næsta nágrenni við þá.

Ný vísindagrein um eldvirkni í Kötlu sýnir að við lok síðasta jökulskeiðs, á yngra drías, urðu þar eldgos sem gætu hafa myndað hið þekkta Vedde-öskulag, sem finnst í jarðlögum víða á Norðurlöndum og í N-Atlantshafi. 

Ný útgáfa gagnagrunns yfir örnefni Íslands kom út 4. desember 2025 og inniheldur hann nú rúmlega 193.000 staðsett örnefni. Þetta er fjórða útgáfa ársins því stöðugt bætast ný og yfirlesin örnefni við grunninn. 

Pawel Wasowicz grasafræðingur  hjá Náttúrufræðistofnun flytur erindið „Landnám plantna á Surtsey í ljósi nýrra rannsókna“ á Hrafnaþingi sem haldið verður á netinu 10. desember 2025 kl. 15:15. 

Holdafar rjúpna nú í haust er nokkuð gott miðað við fyrri ár og svipað því sem mældist árið 2024. Marktækur munur var á milli aldurshópa og kynja, þar sem ungfuglar, sérstaklega ungir kvenfuglar, voru almennt í lakari holdum en fullorðnir fuglar.

Talningar á skörfum á vestanverðu landinu í maí 2025 sýnir að báðir skarfastofnar hafa náð sér á strik eftir mikla fækkun í kjölfar óveðurs sem átti sér stað árið 2023. 

Í tímaritinu New Forests var í dag var birt svargrein eftir hóp íslenskra sérfræðinga þar sem fjallað er um vistfræðilegar afleiðingar útbreiðslu stafafuru (Pinus contorta) á Íslandi og brugðist við nýlegri grein sem fjallar um vöxt og kolefnisbindingu tegundarinnar.

Fuglavernd og Náttúrufræðistofnun bjóða upp á ókeypis námskeið um vetrarfuglatalningar í desember. Markmið námskeiðsins er að kynna aðferðafræði og tilgang talninganna, efla nýliðun og tryggja áframhaldandi vöktun fuglastofna.

Arnarvarp sumarið 2025 reyndist lakara en síðustu tvö ár. Alls urpu að minnsta kosti 60 pör en einungis er hægt að staðfesta að 36 þeirra komu upp ungum.