Fréttir

Fræðslumyndasögur um líffræðilega fjölbreytni eru birtar á vef Náttúrufræðistofnunar á Degi íslenskrar náttúru. Höfundar þeirra eru Unnar Ingi Sæmundarson handritshöfundur og Vala Steingrímsdóttir sem myndskreytir.

Á Alþjóðlegri jarðfræðiráðstefnu sem haldin var í Busan í Suður-Kóreu dagana 25. - 31. ágúst var kynntur nýr listi yfir hundrað jarðminjastaði á jörðinni og þar á meðal eru tveir staðir á Íslandi, Reykjanes og Vatnajökull. 

Vegna óviðráðanlegra orsaka og viðgerða á húsnæði Náttúrufræðistofnunnar á Akureyri mun greiningartími á myglusveppum lengjast. Beðist er velvirðingar á þeim óþægindum sem þetta kann að valda. 

Liðin eru fimmtíu ár frá stofnun Náttúrurannsóknastöðvarinnar við Mývatn og lagasetningu um verndun Mývatns og Laxár. 

Dr. Agnes-Katharina Kreiling hefur verið ráðin til Náttúrufræðistofnunar sem umsjónarmaður Mývatnsrannsókna- og vöktunar. 

Varpstofn fálka hefur verið vaktaður frá árinu 1981 á Norðausturlandi. Niðurstöður 2024 sýna að varpstofninn hefur ekki verið minni frá upphafi vöktunar 1981, einnig að viðkoman í ár var sú lakasta frá upphafi mælinga. Ástæðan fyrir lélegri viðkomu var tíðarfar á varptíma og ungatíma.

Náttúrufræðistofnun hefur lokið við að meta viðkomu rjúpnastofnins sumarið 2024. Það var gert með talningum á ungum í öllum landshlutum. Niðurstöður sýna lélega viðkomu á Vestfjörðum, Norðausturlandi og Austurlandi og í öðrum landshlutum var hún í slöku meðallagi.

Í vísindaritinu Allergy birtist á dögunum grein sem fjallar um frjókornaspár. Teikn eru á lofti um að loftslagsbreytingar af mannavöldum geti haft áhrif á líffræði platna og framleiðslu frjókorna sem valda ofnæmi.

Frjótími grasa stendur nú sem hæst á Íslandi. Þeir sem þjást af frjóofnæmi eru líklegir til að finna fyrir einkennum.