Fréttir

Dagana 13.–23. mars stóð yfir vettvangsferð á vegum Náttúrufræðistofnunar á Hornstrandir, þar sem fylgst var með lífríki svæðisins undir lok vetrar. Ester Rut Unnsteinsdóttir spendýravistfræðingur var leiðangursstjóri ferðarinnar.

Fyrstu elritré landsins eru nú farin að blómstra, sem markar upphaf frjótímabils elris. Í sumum landshlutum eru blóm elris enn lokuð en á sólríkari stöðum eru þau þegar farin að opnast og því má búast við frjókornum í andrúmslofti á næstu dögum.

Á Hrafnaþingi miðvikudaginn 26. mars 2025 kl. 15:15-16:00, mun Aldís Erna Pálsdóttir vistfræðingur hjá Náttúrufræðistofnun flytja erindið „Mófuglar – staða og ógnir“.

Í tilefni af alþjóðlegum degi jökla, sem haldinn er árlega þann 21. Mars, verður sýningin „Kynslóðir jökla“ opnuð í Loftskeytastöðinni í Reykjavík. 

Aldursgreiningar í rjúpnaveiði haustið 2024 gengu vel, sýni fengust úr öllum landshlutum og alls var 3071 fugl var aldursgreindur. Hlutfall unga á fullorðinn fugl var 2,14 á landsvísu sem er lítil aukning frá árinu á undan (1,99).

Náttúrufræðistofnun hlaut tvo styrki úr Orkurannsóknasjóði Landsvirkjunar við hátíðlega athöfn 6. mars síðastliðinn.

Náttúrufræðistofnun óskar eftir að ráða sérfræðing í fjármálum og launavinnslu í 100% starf. 

Á Hrafnaþingi miðvikudaginn 12. mars 2025 kl. 15:15-16:00, mun Anna Bára Másdóttir doktorsnemi hjá Náttúrufræðistofnun og Háskóla Íslands flytja erindið „Svipfarsbreytileiki og stofnerfðafræði íslenska heimskautarefsins (Vulpes lagopus)“.

Vetrarfuglatalning fór fram helgina 28.–29. desember 2024 og dagana þar í kring. Veðrið var kalt en bjart og nú liggja niðurstöður fyrir.