Fréttir

Árlegur rannsókna- og vöktunarleiðangur Náttúrufræðistofnunar til Surtseyjar fór fram dagana 12.–18. júlí. Að þessu sinni tóku bæði líffræðingar og jarðfræðingar þátt, líkt og gert er annað hvert ár. 

Vegna sumarleyfa verður afgreiðsla Náttúrufræðistofnunar lokuð frá og með mánudeginum 21. júlí til og með föstudeginum 8. ágúst.

Ný útgáfa válista fugla á Íslandi hefur litið dagsins ljós. Válistar eru mikilvæg verkfæri til að fylgjast með stofnþróun dýra- og plöntutegunda og meta hvort tegundir séu í hættu á útrýmingu. Síðast var válisti fugla endurskoðaður árið 2018. 

Rjúpnatalningum á vegum Náttúrufræðistofnunar vorið 2025 er lokið. Niðurstöður sýna nokkrar breytingar á fjölda rjúpna samanborið við árið 2024 en leitnin var ólík eftir landshlutum.

Ný rannsókn sem birtist í dag í vísindaritinu Quaternary Science Reviews leiðir í ljós að elstu lifandi plöntur sem fundist hafa á Íslandi vaxa á hrauni norðan við Mývatn. Þar fundust gamlir einiberjarunnar, sumir allt að 500 ára gamlir.

Nýlega birtist grein um erfðabreytileika kúmens (Carum carvi L.) á Norðurlöndum. Kúmen á sér langa sögu á Íslandi og fáar jurtir hafa verið jafn mikið notaðar, bæði í matargerð og til lækninga. Hvað væri íslenska brennivínið án kúmens?

Hópur vísindafólks á vegum Náttúrufræðistofnunar dvaldi á starfsstöð stofnunarinnar og Rannsóknaseturs HÍ á Breiðdalsvík á vikulöngum vinnufundi nýverið. Hópurinn vann að greinaskrifum og gagnaúrvinnslu vegna verkefnisins Stofngerð íslenska refsins. 

Frjótími birkis er að nálgast og gæti hafist nokkru fyrr en venjulega í ár. Spár gera ráð fyrir að birkifrjókorn fari að mælast í andrúmslofti á næstu dögum, sérstaklega ef veður helst hlýtt og þurrt.

Náttúrufræðistofnun óskar eftir að ráða matráð í 40-50% stöðu á starfsstöð stofnunarinnar á Akranesi.