Hakkaþon Copernicus Ocean verður haldið í Húsi sjávarklasans við Grandagarð 16 helgina 16.–18. október næstkomandi. Þar gefst nemendum, frumkvöðlum og öðru áhugafólki tækifæri til að nýta gögn um hafið til að þróa lausnir á áskorunum sem tengjast hafsvæðum Íslands og hafsækinni starfsemi.

Ný vísindagrein sem birtist í tímaritinu Bulletin of Volcanology fjallar um rannsóknir á berggangi á Streitishvarfi á sunnanverðum Austfjörðum. Berggangurinn varð til þegar basaltkvika og kísilrík kvika blönduðust undir yfirborði jarðar fyrir um 10,7 milljónum ára.

Ný vísindagrein í tímaritinu Aquatic Ecology fjallar um sveiflur í magni rykmýs í fimm vötnum á Norðausturlandi. Niðurstöðurnar sýna að þótt mikið sé af mýi við eitt vatn getur verið lítið við annað, jafnvel þegar stutt er á milli vatna.

Ný vísindagrein í tímaritinu Aquatic Ecology fjallar um hvernig þörungar á botni Mývatns hafa áhrif á framboð næringarefna í vatninu. Rannsóknin bendir til þess að þeir geti dregið úr magni fosfats sem berst úr botnsetinu út í vatnið.

Nýleg rannsókn sem birtist í vísindatímaritinu Global Change Biology sýnir að veðurfar tengist bæði varptíma og viðkomu fálka og förufálka á norðurslóðum. Breytingarnar eru þó ólíkar eftir tegundum og svæðum.

Í dag, 6. október, eru 200 ár liðin frá fæðingu Benedikts Gröndal, skálds, fræðimanns og náttúrufræðings. Benedikt átti ríkan þátt í stofnun Náttúrugripasafnsins í Reykjavík, sem starfsemi Náttúrufræðistofnunar á rætur að rekja til.

Ný vísindagrein í ritröðinni ISPRS Archives fjallar um alþjóðlega verkefnið HistoriX, sem miðar að því að bæta nýtingu gamalla loft- og gervitunglamynda við rannsóknir á breytingum á yfirborði jarðar.

Náttúrufræðistofnun og Landbúnaðarháskóli Íslands stóðu saman að sýningu á Vísindavöku í Laugardalshöll laugardaginn 26. september. Þar var verkefnið Mýralíf kynnt og gestum boðið að kynnast lífríki votlendis.